Pasquale Paoli, elettu « Generale di a Nazione » corsa di lugliu di u 1755, dà a so indipendenza à l’isula à e spese di Genuva sin’à u 1769, diventendu tandu u « Babbu di a Nazione » !
In Balagna, a so storia hè in particulare ligata à u paese di Munticellu induve a so surella, Chiara Maria, s’era maritata cù Don Taddeo Leonetti. Inde l’anni 1790, ellu ci starà in u « Palazzu Malaspina », casa di u so nipote Giudice Antonio Leonetti è di a so moglia, Angela Felice de Fabiani.
Ma, di sicuru, ghjè sopratuttu à a criazione di l’Isula Rossa, trà u 1758 è u 1765, chì u « Babbu di a Nazione » hè assuciatu, fendu di l’Isula Rossa a « cità paolina » è sopratuttu u portu di a Corsica indipendente à nant’à a costa Nordu à Punente di l’isula induve, sin’à tandu, solu u portu di Calvi facia auturità…
AutorI : Lisandru Alfieri, Camellini Marco.
Aiutatu da Larenzu Bruna, prufessore di storia geugrafia.
Risorse:
https://commons.wikimedia.org/wiki/File:Mus%C3%A9e_de_Bastia_Pascal_Paoli_Varese_MEC_84_2_2.jpg
https://commons.wikimedia.org/wiki/File:Corse-04776-ile-Rousse-buste_de_pascal_Paoli.jpg
